Fevralnıñ 18 -22 kūnlerinde Novoalekseevka qasabasınıñ 1 sanlı mektebinde qırımtatar tili ve edebiyatı aftası er yılki kibi meraqly keçti. 1-ci ve 2- ci gırımtatar milliy sıñıfları "Ana tilim baldan tatlı " adlı acayip merasiminde tesirli şiirler aytıp ve şeñ yırlar yırlap, er kesni ayrette qaldırdılar. 3- 4 -ci siniflarda olıp keçken "Ana tilim - milletimniñ canıdır" adlı tedbir aqiqiy bayramğa çevirildi.

Halqımızñın sadıq oğlunı Noman Çelebicihannı "Ant etkenmen" adlanğan merasiminde añdıq, beraberlikte "Qarılğaçlar duası" filmini seir ettik, milliy marşımıznı icra ettik. Talebelerimiz ve ana-babalar çok güzel resimlerde Ana tilimizge öz sevgilerini ifade ettiler. Aftanıñ soňunda ise yekünlev olaraq yuqarı sınıflar arasında tilimizniñ tarihi, folklor, adetlerimiz ve Qırımnıñ tarihiy yerleri boyunça yarış ötkerildi. Aytılğan merasimlerde iştirak etken talebelerimiz bahşışlarnen taqdirlendi.

Balalarımız Qırımdan tışta yašasalar da, Vatanımız yureklerinde ve qanlarında olganı er daim duyula, çunki halqımız çok küçlü ve vatanperver. Istidatlı milletsever ocalarımız - Zarema Sarıbilâl, Sabina Mamut, Fatime Lüman, Lenara Süleyman çok sağ olsunlar!